Нусипова Ардак Турысбековна
24.10.1961 жылы Алматы облысы, Жамбыл ауданы,Рославль совхозында дүниеге келген. 1979 жылы Беріктас орта мектебін бітіріп, осы мектепте Аға пионер вожатый міндетін атқарды. 1980 жылы Қазақтың С.М.Киров атындағы мемлекеттік университетінің биология факультетіне түсіп, 1985 жылы биология және химия пәнінің оқытушысы мамандығын алып шықты.
Сол жылы Алматы облысы, Жамбыл ауданы, Беріктас ауылындағы орта мектебіне биология-химия пәнінің мұғалімі ретінде жұмысқа қабылданды. 1995-2010 жылдар аралығында осы мектептің оқу тәрбие ісі жөніндегі орынбасары міндетін атқарды.Ұзақ жылдар бойы ұрпақ тәрбиелеген ұлағатты ұстаз шәкірттерді білім нәрімен сусындатты.
2010 жылдың тамыз айынан бастап «Балапан» бағдарламасы аясында ашылған Беріктас ауылындағы Мемлекеттік коммуналдық қазыналық кәсіпорыны «Балбөбек» балабақшасының меңгерушісі қызметіне тағайындалды. Бүгінде осы қызмет атқарып отырған мекемеде 6 топта 140 бүлдіршін тәрбиеленуде.
Балабақшаның жетістіктері мен өрістеуіне негізгі тұлға басшы болып табылады. Бөбекжай басшысы Нусипова Ардақ Тұрысбекқызы балабақша ұжымынан ерекше еңбекті талап ететін, ақылы мен кәсіби шеберлігі мол, өз әріптестерін тек жаңашылдыққа жетелейтін тұлға. Өз ісіне жауапкершілікпен қарайтын, еңбекқорлығымен ұйымдастырушылық қабілетімен көрінетін шебер педагог, білікті басшы. Балаларға заман талабына сай тәрбие мен білім беруде жаңа инновациялық технологияларды қолдануға мүмкіндік туғызып, материалдық базаны жақсартуға ықпал етеді.
Нусипова Ардақтың 40 жыл ұстаз және білікті басшы ретіндегі еселі еңбегі лайықты бағаланды. 2016 жылы «Өрлеу» Алматы облысы бойынша педагог қызметкерлердің біліктілігін арттыру институтының облыстық «Мектепке дейінгі ұйымның үздік меңгерушісі» бас жүлдесін , 2017 жылы «Болашақ» кәсіптік оқыту орталығының алғыс хатымен, 2018 жылы Қазақстан Республикасының Білім және ғылым министрлігі «Мектепке дейінгі балалық шақ» республикалық орталығының дипломымен, 2019 жылы Алматы облысының әкімдігінің ІІІ дәрежелі дипломымен және алғыс хаттарымен марапатталды. 2021 жылы Тәуелсіздігіміздің 30 жылдығына орай Беріктас ауылдық округі әкімінің Алғыс хатымен марапатталды.
Басқарып отырған ұжым «Балбөбек» бөбекжайы аудан, облыс, республика көлемінде де атқарған шығармашылық табыстары, ұйымдастырылған түрлі семинар, педагогикалық оқу, байқауларға қатысып, жүлделі орындарды иеленіп жүр.
Балабақшаның атауы:
«Алматы облысы білім басқармасының Жамбыл ауданы бойынша білім бөлімі» КМҚК «Балбөбек» бөбекжайы
